Թուրքիայի Քահրամանմարաշ նահանգում 4,0 մագնիտուդ ուժգնությամբ երկրաշարժ է տեղի ունեցել։
Այս մասին տեղեկություն է տարածել Թուրքիայի կառավարությանն առընթեր բնական աղետների և արտակարգ իրավիճակների հետևանքների վերացման գործակալությունը (AFAD):
Տեղեկատվության համաձայն՝ ստորգետնյա ցնցումների էպիկենտրոնը գտնվել է Էլբիստանի շրջանում, օջախը՝ 8,76 կմ խորության վրա։
Ավերածությունների կամ զոհերի մասին տեղեկություններ չկան։